Қоғам
Иманбек Ресейдің GQ журналының «Жыл жаңалығы» аталымында жеңіске жетті
Грэмми иегері, қазақстандық диджей Иманбек Зейкенов Ресейдің GQ журналының дәстүрлі сыйлығында "Жыл жаңалығы" аталымында жеңіске жетті, деп хабарлайды "Көкше-контент" ақпарат агенттігі.
«Grammy сыйлығы, аудиоплатформалардағы миллиардтаған тыңдалым және әлемдік музыкалық компаниялармен, лейблдармен келісімшарттар. Рэпер Saint Jhn-нің Roses трегіне жасаған ремиксы биыл әлемнің түпкір-түпкірінде қойылған қазақстандық диджей әрі продюссер Иманбек Зейкенов үшін бұл бастамасы ғана екендігіне сенімдіміз», — деп жазады GQ басылымы.
Айта кетейік, Иманбекпен бірге бұл аталымда Федор Федотов, Владимир Онохов, Soda Luv, Евгений Сангаджиев сынды танымал әртістер де бақ сынады.