Қазақстанға қоныс аударатын қандастар үшін жаңа сайт іске қосылды - Кокше-Контент: Информационное Агенство
ӘлеуметҚоғам

Қазақстанға қоныс аударатын қандастар үшін жаңа сайт іске қосылды

Отандастар қоры» әзірлеген erulik.kz веб-платформасының тұсаукесері өтті. Қордың баспасөз қызметінің мәліметінше, іс-шара барысында шетелдегі қазақ қауымдастығына жаңа ашылған сайт жан-жақты таныстырылған.

http://Erulik.kz дегеніміз – Отанына қоныс аударуға бел буған қандастарға арналған веб-платформа. «Сайттың басты мақсаты – Қазақстанға көшіп келуге шешім қабылдаған қандастарға басымдыққа ие 5 облыстың (Ақмола, Павлодар, Қостанай, Солтүстік және Шығыс Қазақстан облыстары) әлеуметтік-экономикалық даму деңгейімен таныстыру және қоныс аударуға қолайлы елді мекендерді таңдауға мүмкіндік ұсыну», делінген хабарламада.

Ақпарат және қоғамдық даму министрлігінің тапсырмасымен әзірленген веб-платформа арқылы Қазақстанға қоныс аударуды жоспарлаған кез келген қандасымызға орналасқысы келетін елді мекенге қатысты 21 көрсеткіш бойынша жан-жақты ақпарат беріледі.

Атап айтқанда, сайтта елді мекендердегі бос тұрғын-жайлар, инфрақұрылым, әлеуметтік мекемелер, экономикалық әлеует туралы толыққанды ақпарат бар, сондай-ақ аймаққа фото шолу жергілікті атқарушы органдармен бірлесе ұсынылады. Сонымен қатар, көшіп келген сәттен бастап көші-қон үрдісінде талап етілетін құжаттар, бейімдеу, балаларды балабақшаға, мектепке орналастыру, медициналық қызметтерді алу, тіпті кәсіпкерлік бастаудың оңтайлы тетіктері бойынша ақпарат беріледі.

 

Подписаться
Туралы хабарлама
guest
0 Комментарий
Inline Feedbacks
View all comments
Back to top button