20 жастағы студент бірнеше ай бұрын полиция қызметкерлерінің назарына ілігіпті. Жедел іздестіру және кешенді бақылаудан кейін құқық қорғаушылар күдіктіні ұстады.
Жігітті ұстау барысында есірткілік а-РVP психотропты затының 24 орамасы тәркіленді. Ал тұрғылықты жері бойынша тағы 100 орама табылды.
Тәркіленген есірткі салмағы 58 грамм. (580 доза) Ал оның құны – 1,5 млн.теңге.
Қазір ҚР Қылмыстық Кодексінің 296 бабы, 4 бөлігіне сәйкес іс қозғалды. Тергеу жұмыстары жалғасып жатыр.
Дереккөз: Ақмола облысы ІІД